مراكش.. المدينة الحمراء اللي ما كتخلاش من الحكايات الغريبة. ولكن هاد المرة، القصة فيها بزاف ديال علامات الاستفهام، وبطلتها سيدة كتنشط فالمجال الجمعوي، وولات حديث الشارع بعد ما بان عليها الثراء بشكل مفاجئ.
حسب معطيات موثوقة، السيدة كتحضر فعدد من المناسبات والاحتفالات، وكتبان فعدة إدارات عمومية، كتدخل وتخرج بكل أريحية، وغالباً برفقة أشخاص كيتبدلو من مرة لمرة، هاد الحضور المتكرر خلا بزاف ديال الناس يتساءلو: شنو الدور الحقيقي ديالها؟ وشنو طبيعة العلاقات اللي عندها؟
فكل رمضان، كتكثف أنشطتها وكتنظم موائد إفطار كتقول أنها موجهة للفئات الهشة، وفعلاً كتلقى دعم مهم من محسنين ورجال أعمال. ولكن فالمقابل، كاين كلام كيتروج على أن هاد التبرعات ما كيبانش الأثر ديالها بشكل واضح، وهاد الشي خلا الشكوك تكبر والتساؤلات تزيد…
من بين أكثر النقط اللي خلات الجدل يكبر، كاين اللي كيقول أن السيدة (العريفة) كتطلب مساعدات مالية بدعوى تمويل عمليات جراحية لحالات إنسانية، ولكن بلا وثائق أو توضيحات كافية على هاد الحالات، هادشي اللي خلا البعض يشكك فهاد الروايات.
الكلام كثير والأيام القادمة ستكشف الخبايا…