محمد بنعبدالله
بعد تعيينها رئيسة للحكومة المغربية، المنصوري تتصدى لفكر اسلاموي غير منطقي (رجعي) ، فأعطت مكانة للمرأة المغربية، مؤكدة هادشي ماشي هبة من شي حد، بل حق كتعترف به المواثيق الدولية، وعلى رأسها مبادئ الأمم المتحدة، وكيكرسو الدستور المغربي، تحت قيادة جلالة الملك محمد السادس، اللي أكد فمسار الإصلاحات أهمية النهوض بأوضاع المرأة وتعزيز مشاركتها فالحياة العامة.
وفهاد السياق، كيبقى النقاش اللي كتجسدو مواقف فاطمة الزهراء المنصوري رئيسة الحكومة، مرتبط بسؤال جوهري: واش معقول شي خطاب يبرر للمرأة أنها تبقى فالخلف، بينما نفس الخطاب كيتقبل أن بنات أصحاب الفكر الرجعي الاسلاموي يقراو ويخدمو ويحققو طموحاتهم؟ واش حلال على بناتهم وحرام على بنات الشعب؟
مواجهة الفكر اللي كيقزم المرأة ماشي حرب على الدين، وإنما دفاع على الكرامة ورفض للتناقض والحݣرة باسم الدين. والمرأة المغربية، سواء فالمدينة أو فالبوادي والجبال، خصوصاً فبعض المناطق بالأطلس الكبير والمتوسط، عندها الحق فالتعليم والشغل والصحة والعيش الكريم وتكافؤ الفرص، ليس آلة للعمل منزلي والولادة، تربية الأبناء، غسل الرجلين للزوج ولعائلته…
اليوم، فاطمة الزهراء المرأة الحديدية التي عينها جلالة الملك محمد السادس في سابقة بالمملكة المغربية التي عمرها أكثر 1230سنة كأول رئيسة حكومة، تعلنها بطريقة غير مباشرة عن نهاية الحݣرة على المرأة أينما كانت، بربوع المملكة، وضمان أن بنات الشعب تكون عندهم نفس الفرص اللي كتتوفر لبنات المسؤولين. حيت الكرامة ما فيهاش بنت فلان وبنت فرتلان، كاينة غير بنت المغرب، وحقها فمستقبل أفضل ماشي موضوع للمزايدات السياسية ولا الفكرية.
