نيشان الآن
“اذا لم تستحوا فافعلوا ما تشاؤون”
تأسست مدينة الصويرة الجديدة سنة 1764 على يد السلطان سيدي محمد بن عبد الله (1757- 1790) على الساحل الأطلنتي. وكان الهدف من إنشائها هو اتخاذها مرسى بحريا رئيسا في المغرب للتبادل التجاري مع أوروبا. وكان السلطان ينوي أن يجعل من المرسى مدينة كبيرة مزدهرة يقيم فيها أهم التجار المغاربة لتكوين الثرواث.
لكن للأسف المخزن “القواد والباشا والعامل لهم رأي آخر بغاوها تكون عشوائية والفوضى واغتصاب التاريخ والاعتداء على كل ما كافح من أجله الشريف سيدي محمد، أمام اعين كذلك وزارة الثقافة (قاليك التاريخ) !!
فندق خارج من السور التاريخي وحال الشراجم وفاتح باب فالزنقة ديالو من السور (هادشي باين فيه اللعاقة كثيرة)، أين ربط المسؤولية بالمحاسبة أ الفتيت ؟؟
المؤسف وزير الداخلية بتبجح بالشفافية ومحاربة الفساد وزيد وزيد…، داخل البرلمان و المغاربة عياهم بالهضرة، وفي الأخير مرؤوسيه دايرين خبلة فالوطن والنموذج الصويرة المنسية ؟؟
الفوضى بالعلالي.. وسط المدينة القديمة وبالقرب من البحر رياضات من أربع طوابق وخمسة، وكاين لفيه قهوة فالسطح وفيه مصعد كهربائي ومسبح (فهم تحماق)، نهار يجي الزلزال (الله ينجينا، ولا شي موجة ديال البحر كبيرة ديك الساعة فضيحتنا ميجمعها لا قايد ولا باشا ولا عامل ولا شي وزارة) نوليو ضحكة عند العالم، و إلى ساقت الخبار “اليونيسكو” الفضيحة أكبر !!
بلاتي.. نتكلمو على احتلال الملك العمومي “واحد الزنقة خلف إقامة “جوهرة موكادور” في إتجاه البحر “داكشي باين فيه المقدم ولي معاه مغمسين نيت” والطريق حتلوها ماشي غير الرصيف وصنادق البيرة بالعلالي “واش لجذب الأطفال يسكرو أ العامل” !! ؟؟
مدينة الصويرة “السايبة” عفواً السكان الشرفاء، نتكلم على المخزن عندكم يعتبر مدينتكم الفقيرة الغير المسجلة على ما يظنون لدى وزارة الداخلية (لجان المراقبة) بالامارات الأموال تترعرع، وحاݣرين على الفقراء مول الكروسة فيها 300 درهم سلعة، دايرين لجنة على ودو فيها 2 قياد والاعوان والشرطة الإدارية والمخازنية والبوليس !! ولي باني عمارة والسانسور ولابيسين ومغتاصب التاريخ ومحتلين الملك العمومي وهادشي حداهم ببعض الأمتار “لا ثم لا… القانون على الفقراء فقط” !!
مدينة الشرفاء، فضحات بعض رجال السلطة الفاسدين، والساهر على مراقبة عملهم “عامل الإقليم” باين عاجبو البيرو والامتيازات وداكشي… !!
راه رعايا صاحب الجلالة الملك محمد السادس تقليد عليكم، وراكم اديتو القسم أمام الله والوطن والملك، الفساد مخربق المدينة !!
ضسارة كبيرة هادي على الثقافة وهيبة المخزن للأسف !!