رئيس مجلس مقاطعة مراكش المدينة.. “طايح غالي” على الدولة!

نيشان الآن

وسط المشاكل اللي كتعاني منها مقاطعة مراكش المدينة، من ضعف فالبنية التحتية وتأخر المشاريع، كيجي رئيس المجلس كالصاعقة على الساكنة. السيد، اللي كبر فالسن، ما بقاش قادر يسمع مزيان ولا يشوف ولا يمشي على رجليه، ولكن مع ذلك، عايش فالرفاهية على حساب ميزانية المجلس.

كيفاش؟ عندو سائق خاص كيتخلص من فلوس الدولة وسيارة فارهة، والساكنة باقيين تايهين فمشاكلهم اليومية.

“خدمة خاصة بمصاريف عامة!”
رئيس المجلس، اللي خاص يكون هو أول واحد يهتم بالمشاكل ديال السكان، لقا أن الحل هو يخدم راسو أولاً. السائق الخاص اللي كيخلص من فلوس الدولة ماشي غير مثال بسيط، راه كاين مصاريف أخرى كتعطي انطباع أن السيد عندو الأولوية فراحتو الشخصية، عوض يخدم المصلحة العامة.

UMP6

السؤال اللي كيتطرح: شكون اللي خلّى شخص فهذ الوضع الصحي يمسك منصب حساس بحال هاد؟ واش اللي ما يقدرش يسمع المشاكل ديال السكان غادي يقدر يحلها؟

راه ما يمكنش نسمحو فالتصرف العبثي فالمال العام. خاص الجهات المعنية تدخل باش تراجع وضع هاد المسؤول والمصاريف ديالو. وكتر من هذشي، خاص الدولة تفرض معايير صارمة باش المناصب الحساسة يمسكوها ناس عندهم الكفاءة والقدرة على تحمل المسؤولية.

الساكنة ديال مراكش المدينة ما يستاهلوش هذ التسيير ماشي هو هداك. خاص تكون عندهم مجلس يخدم مصالحهم، ماشي رئيس “طايح غالي” على الميزانية، و”خفيف بزاف” فالتسيير!

نيشان الآن 

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافقالمزيد