نيشان الآن
علمت الجريدة أن المحكمة الابتدائية فمراكش، قررات نهار الجمعة 7 فبراير الجاري، تأجيل محاكمة مغني الراي الجزائري الشاب فضيل حتى 7 مارس الجاي، بسباب قضية إهمال الأسرة اللي رفعاتها عليه طليقتو.
الشاب فضيل جا للمحكمة مع مرتو الحالية، وكان خاص المحكمة تنظر فملفو، ولكن القاضي قرّر يأجّل الجلسة بعدما طلبو محاميوه ذلك.
المحكمة ففرنسا كانت سبق وحكمات عليه يخلص حوالي 4 مليون درهم، حيت ما كانش كيخلص النفقة ديال ولادو وطليقتو الفرنسية اللي عندها أصول جزائرية، وداك الشي دام كثر من 9 سنين.
نيشان الآن